வணக்கம்.

எனது வலைப்பூவிற்கு வந்தமைக்கு நன்றி.

அன்பு..எல்லாவற்றையும் வெற்றிக் கொள்ளும்.

அமைதி..எப்பொழுதும் எங்கும் அழகு.

ஆனந்தம்…ஏற்கவும்,சேவை செய்யவும்.

உங்களது கருத்துக்களையும்,விமர்சனங்களையும் அனுப்புங்கள் நன்றி.

-‘ Arrow ’சங்கர்.

Arrow Sankar' Blog

Tuesday, April 18, 2017

கோடையை எப்படி சமாளிப்பது ?

1.தினமும் பருகும் குடிநீரை விட அதிகமாக பருக வேண்டும்.

2.இரவு நேரங்களில் வீட்டில் உள்ள ஜன்னல் கதவுகளை திறந்து வைக்க வேண்டும். அவ்வாறு திறந்து வைப்பதால் வெயிலின்  தாக்கம் குறைவாக இருக்கும் 

3.கால்நடைகளை கொட்டகையில் வைத்து பராமரிக்க வேண்டும். 

4.உடுத்தும் ஆடைகள் எடைகுறைவாகவும், வெளீர் நிறத்தில் தளர்வாகவும் இருக்க வேண்டும். பருத்தி ஆடைகளையே உடுத்துவது உடலுக்கு நல்லது.

5.வெளியில் செல்லும்போது குளிர் கண்ணாடி, காலணி மற்றும் தொப்பி அணிந்து செல்ல வேண்டும். குடையை எடுத்துச் செல்லவும் தயங்க வேண்டாம்.

6.அவசிய பணிநிமித்தமாக வெளியில் செல்ல நேரும்போது, ஈரமான துணியினை முகம், கழுத்து மற்றும் மூட்டுகளில் படுமாறு போட்டுக் கொண்டு வெளியே செல்ல வேண்டும். 

7.டீ, காபி, கார்பனேட் குளிர்பானங்கள் ஆகியவற்றை தவிர்க்க வேண்டும்.

8.ஓஆர்எஸ் பவுடர், நீர் ஆகாரம், மோர், எலுமிச்சை சாறுகலந்த நீர் மற்றும் இதர வெயிலுக்கு ஏற்ற பானங்களை அவ்வப்போது பருகி வெயிலின் தாக்கத்தை குறைத்துக் கொள்ள வேண்டும்.

9.உடல் மிகவும் சோர்வுற்றாலோ, வெயிலின் தாக்கத்தினால் ஏற்படும் பாதிப்புகள் அதிகமிருந்தாலோ அருகில் உள்ள மருத்துவரை அணுகி சிகிச்சை பெற்று வருவது நல்லது.

10.ஒவ்வொருவரும் முடிந்தவரை தங்கள் வீட்டில் உள்ள முதியவர்களைப் பாதுகாக்க வேண்டும். மற்றவர்களுக்கும் இதை தெரிவித்து அவர்களுக்கும் உதவ வேண்டும்.

 print this in PDF Print Friendly and PDF

Thursday, April 13, 2017

சித்திரையில் ஏன் புது வருடம்?

மிழ் வருடப்பிறப்பு என்பது ஜனவரி 1ஆம் தேதி அல்லாமல், சித்திரை மாதத்தில் நம் கலாச்சாரத்தில் கொண்டாடப்படுவதற்கு காரணம் இருக்கிறது. இந்திய பஞ்சாங்கத்தின் படி சித்திரை மாதப்பிறப்பு புதுவருடமாகக் கருதப்படுகிறது. இந்திய பஞ்சாங்கம், சூரியன் மற்றும் சந்திரனின் ஓட்டத்தை கவனத்தில் கொண்டு உருவாக்கப்பட்டது. இதன்படி கொண்டாடப்படும் புத்தாண்டு தினத்தில் மனித உடலும் மனமும் செயல்படும் விதம், கோள்களின் அசைவுடன் ஒருவரை இசைந்திருக்க செய்கிறது.


சித்திரை மாதத்தில் நாம் புது வருடத்தை கொண்டாடுவது ஏதோ ஒரு நம்பிக்கையினாலோ, வசதியாக இருப்பதாலோ அல்ல. ஆயிரக்கணக்கான ஆண்டுகளாக இந்தியர்களால் பின்பற்றப்படும் சூரியசந்திர நாள்காட்டியின்படி ஒரு புது வருடத்தின் பிறப்பாக சித்திரை கருதப்படுகிறது. கிழக்கத்திய நாடுகளிலிருந்து தோன்றும் அனைத்தும், மனித உடலுக்கும் விழிப்புணர்வுக்கும் எது உயர்ந்த சாத்தியமாக இருக்கும் என்பதைக் கருதியே உருவாக்கப்படுகிறது. இந்த நாள்காட்டியும் அவ்வாறே உருவாக்கப்பட்டுள்ளது. இம்மாதத்தில், பூமியின் சாய்வு காரணமாக பூமியின் வடதுருவம் அதிகபட்ச வெப்பத்தை சூரியனிடமிருந்து பெறுகிறது. வெப்பம் அதிகமாவதால் மனிதர்களுக்கு அசௌகரியமாக இருந்தாலும், இந்த காலகட்டத்தில்தான் பூமியின் பேட்டரி முழுமையான சார்ஜுடன் இருக்கிறது. வருடத்தின் மிக வெப்பமான இந்நாட்களுக்கு தங்களை தயார்படுத்திக்கொள்ள, வெப்ப மண்டலப் பகுதிகளில் மக்கள் விளக்கெண்ணெய் போன்ற குளிர்ச்சியான எண்ணெய்களை உடலில் பூசிக்கொள்வர்.

பூமிக்கும் மனிதனுக்கும் இடையிலுள்ள தொடர்பை கவனத்தில் கொள்ளாத நவீன நாள்காட்டிகளைப் போல இல்லாமல், சந்திரமான சௌரமான பஞ்சாங்கம் பூமியின் அமைப்பு மனிதனுக்குள் ஏற்படுத்தும் அனுபவத்தையும் தாக்கத்தையும் கணக்கில் கொள்கிறது. அதனால் பூமியின் அக்ஷரேகைக்கு ஏற்றவாறு இந்தப் பஞ்சாங்கமும் வேறுபடுகிறது. சித்திரை மாதத்தில் நாம் புது வருடத்தை கொண்டாடுவது ஏதோ ஒரு நம்பிக்கையினாலோ, வசதியாக இருப்பதாலோ அல்ல, அதன் பின்னணியில் மனித நல்வாழ்வை பலவிதங்களில் மேம்படுத்தும் அறிவியல் இருக்கிறது. வேறுசில நாடுகள் பொருளாதாரரீதியாக நமக்கு முன்னால் சென்றுவிட்ட ஒரே காரணத்தால், இந்த நாட்டின் ஆழமான அறிவு இன்று புறம் தள்ளப்பட்டுள்ளது. நாம் பொருளாதாரரீதியாக முன்னேற்றத்தை நோக்கிச் சென்றாலும், இந்தக் கலாச்சாரத்தின் ஆழங்களை வெகுசில ஆண்டுகளில் உருவாக்கிவிட முடியாது. இது ஆயிரமாயிரம் ஆண்டுகள் செய்த செயல்களால் கிடைத்த வரம்.

இந்த புதுவருடத்தில், நீங்கள் செய்யக்கூடிய ஒரு சாதாரணமான செயல், அலைபேசியை கையிலெடுத்தால் ஹலோஎன்று சொல்லாமல், “வணக்கம்என்றோ நமஸ்காரம்என்றோ சொல்லலாம்.
இப்படிப்பட்ட வார்த்தைகளை உச்சரிப்பது முக்கியம். எதை நீங்கள் கடவுளிடம் சொல்வீர்களோ, அதை உங்களைச் சுற்றியிருப்பவர்களிடமும் சொல்லுங்கள், வாழ்வதற்கான சிறந்த வழி இது. ஒரு பொருள் உங்களுக்கு புனிதமானதாகவும் மற்றொன்று புனிதமற்றதாகவும் இருந்தால், நீங்கள் வாழ்வின் அடிப்படையையே புரிந்துகொள்ளவில்லை என்று அர்த்தம். ஒவ்வொரு மனிதனுக்குள்ளும் இருக்கும் தெய்வீகத்தை உணரும் சாத்தியமாக இந்த புதுவருடத்தை உணர்ந்திடுங்கள்.
-சத்குரு ஜக்கிவாசுதேவ்

இனிய தமிழ் புத்தாண்டு வாழ்த்துக்கள்
print this in PDF Print Friendly and PDF

Saturday, April 8, 2017

மஹாவீரர்

மஹாவீரர்
சமண மதத்தின் 24-வது தீர்த்தரங்கரர் மஹாவீரரின் பிறந்தநாளை, சமணர்கள் புனிதநாளாகக் கொண்டாடுகிறார்கள். மஹாவீரர் பிறந்த ஆண்டு குறித்து ஸ்வேதம்பரர்கள், திகம்பரர்கள் ஆகிய சமண மதத்தின் இருபிரிவினரிடையே கருத்து வேறுபாடு இருந்தாலும் அவர் பிறந்த தினத்தை இருவரும் சேர்ந்தே கொண்டாடுவார்கள். அவரது பிறந்தநாளன்று பலவிதமான ஊர்வலங்களும் வழிபாடும் நடைபெறும்.

மஹாவீரர் பிறப்பதற்கு ஆறு மாதங்களுக்கு முன்பே அவர் பிறப்பதற்கான நற்செயல்கள் தென்பட்டன. தெய்வீகக் குழந்தை அவதரிக்கப்போகிறது என்பதை உணர்த்தும்விதமாக நாடு முழுவதும் மகிழ்ச்சி அலை பரவியது. நாடெங்கும் வளமும் நலமும் செழித்தோங் கியது. மஹாவீரரை வயிற்றில் சுமந்து கொண்டு இருக்கும் போது அவருடைய தாய்க்கு வெள்ளை யானை, துள்ளும் மீன்கள், தாமரை மலர்கள் நிறைந்த நீர்ப்பரப்பு, பூமாலை, வெள்ளை எருது, அமைதியான பாற்கடல் போன்ற நிறைவைக் குறிக்கும் கனவுகள் தோன்றின என நம்பப்படுகிறது.


மஹாவீரர் எந்த இடத்தில் பிறந்தார் என்பதில் கருத்து வேறுபாடுகள் இருந்தாலும் பெரும்பாலான வரலாற்று ஆய்வாளர்களால் ஏற்றுக் கொள்ளப்பட்ட இடம் பண்டைய வைஷாலி நகரத்தில் இருந்த குந்தலகிராமா. குந்த்கிராம் அரசர் சித்தார்த்தாவுக்கும் ராணி திரிஷலாவுக்கும் மகனாகப் பிறந்தார் மஹாவீரர்.

அதிகாலை நான்கு மணிக்கு மஹாவீரர் அவதரித்தார் என்பதால் இன்றும் சமணர்களுக்கும் இந்துக்களுக்கும் அதிகாலை நான்கு மணி புனிதநேரமாக இருக்கிறது. மஹாவீரர் பிறந்த போது மூன்று உலகங்களிலும் மகிழ்ச்சி யும் நிறைவும் பெருகின. தீர்த்தங்கரரை வாழ்த்த வானுலகில் இருந்து தேவர்களும் தேவதை களும் இறங்கி வந்ததாக நம்பப்படுகிறது. அவர்கள், குழந்தையை நன்னீராட்டி வர்த்தமான், வீர், மஹாவீர், அதிவீரா போன்ற பெயர்களைச் சூட்டினார்கள். ஒப்பீடற்ற தெய்வீக அழகுடன் அந்தக் குழந்தை விளங்கியது.

மஹாவீரர் என்னும் வடமொழிச்சொல்லுக்கு சிறந்த வீரர் என்று பொருள். அதை உணர்த்தும் விதமாக சிறு வயதிலேயே கொடிய விஷமுடிய பாம்பை இவர் அடக்கியிருக்கிறார்.

மஹாவீரர் தனது 30-வது வயதில் உலகப் பற்றைத் துறந்து, துறவு வாழ்க்கையை மேற்கொள்ள வீட்டைவிட்டு வெளியேறினார். பல துன்பங்களையும் துயரங்களையும் அனுபவித்தார். ஆடையின்றி வலம் வந்தார். சிறுவர்களும் பொதுமக்களும் அவரைக் கல்லால் அடித்தும், கீழ்த்தரமாக நடத்தியும் துன்புறுத்தினார்கள் என்று கல்பசூத்ரா குறிப்பிடுகிறது.

துறவுநிலைக்கு வந்தபிறகு 30 ஆண்டுகள் இந்தியா முழுவதும் பல இடங்களுக்குச் சென்று தன் தத்துவங்களைப் வர்த்தமானர் போதித்தார். மஹாவீரர் போதித்த தத்துவம் எட்டு கொள்கைகளை உள்ளடக்கியது. அவற்றுள் ஐந்து ஆன்மக் கொள்கைகள் மிக முக்கியமானவை. 

பிறஉயிர்களைத் துன்புறுத்தாத அகிம்சை அவற்றுள் முதன்மையானது. சமூகத்தில் அனைவருடனும் நட்பு பாராட்ட உதவும் சத்தியமும், உண்மையும் இரண்டாவது கொள்கை. எக்காலத்திலும் பிறரது உடைமைகளுக்கு ஆசைப்படாத குணம் மூன்றாவது கொள்கை. புலனடக்கத்தை வலியுறுத்தும் பிரம்மச்சரியம் நான்காவது கொள்கை. ஐந்தாவது கொள்கையாக இருப்பது உலக பந்தங்களில் இருந்து பற்றற்று இருக்கும் துறவுநிலை.

உடல், மனம், ஆன்மா மூன்றையும் ஒருமுகப்படுத்தி கட்டுப்படுத்தும் முறையை மஹாவீரர் போதித்தார். தேவைகளைக் குறைத்துக் கொள்வதன் மூலம் சமூகத்தில் எல்லாருக்கும் எல்லாம் என்றிருப்பதான நிலை கிடைக்கும் என்பதையும் அவர் வலியுறுத்தினார். அவர் போதித்த ஐந்து கொள்கைகளும் சமூகக் குற்றங்களை அழித்து, அமைதியை நிலை பெறச் செய்வதாகவே இருந்தன.

உலகெங்கும் பேரமைதி செழித்தோங்க விரும்பிய மஹாவீரர், தமது 72-வது வயதில் உலக வாழ்க்கையைத் துறந்து முக்தி அடைந்தார்.

சுமார் 2600 ஆண்டுகளாக அவரது ஒவ்வொரு பிறந்தநாளையும் ஜைன சமூகத்தினர் மிக சிறப்பாக கொண்டாடி மகிழ்கின்றனர். அவ்வகையில், 08-04-2017 ஆகிய இன்றும் மஹாவீரரின் பிறந்தநாள் நாடு முழுவதும் விமரிசையாக கொண்டாடப்பட்டு வருகிறது. 

தமிழகத்தின் பல பகுதிகளில், குறிப்பாக, சென்னையில் உள்ள ஜைன ஆலயங்கள் மற்றும் ஜைன மக்கள் அதிகம் வசிக்கும் பகுதிகளில் பொதுமக்களுக்கு இனிப்பு வகைகளை வழங்கி ஜைன சமூகத்தினர் மஹாவீர் ஜெயந்தியை கொண்டாடி மகிழ்கின்றனர்.
print this in PDF Print Friendly and PDF

தெய்வத்திருமணங்கள்

தெய்வத்திருமணங்கள்

ஆண் சக்தியும் பெண் சக்தியும் இணைந்து உண்டாகும் உயிர் சக்தியின் பலனை கூறுவதே தெய்வத்திருமணங்களாகும்.
சக்தியின் உந்துதல் முடிவும் தொடக்கமுமாய் மீண்டும்மீண்டும் இயக்கமாய் மாறும் அதுவே இரு சக்திகளின் இணைவு என்பதை கூறும் இரு மீன்களின் உருவகத்தை காட்டும் மீனராசியான பங்குனி மாதத்தில் நடக்கும் விழாவாகும். பன்னிரண்டாவது மாதமான பங்குனியில், பன்னிரண்டாவது நட்சத்திரமான உத்திரம் இடம்பெறும் புனித நாள் பங்குனி உத்திரம் என்று போற்றப்படுகிறது. இந்நாளில் தெய்வத் திருமணங்கள் நடந்ததாகப் புராணங்கள் கூறுகின்றன.



இத்திருநாளில் மேற்கொள்ளப்படும் விரதம் கல்யாண விரதம், திருமண விரதம் என்றும் கூறப்படுகிறது. இந்த விரதத்தினை முதன்முதலில் பார்வதி தேவி மேற்கொண்டாள் என்பது புராணத்தகவல் ஆகும்.

ஒருசமயம் பார்வதி தேவி, கயிலையை விட்டு தன் பதியைப் பிரிந்து காஞ்சி தலத்திற்கு வந்து தவம்புரிய நேர்ந்தது. அத்தவத்தின் பயனாக இறைவன் ஸ்ரீஏகாம்பரநாதராகத் தோன்றி தேவியை  மணந்தார். 

அந்நாள் பங்குனி உத்திரத் திருநாள். இந்நாளில் சுமங்கலிகள் விரதம் மேற் கொண்டு இறைவனையும் அம்பாளையும் வழிபட, தம்பதி கள் அன்புடனும் சுகமுடனும் வாழ்வார்கள். மேலும், சிவபெருமான் அன்னை பார்வதியோடு மணக்கோலத்தில் சுந்தர மூர்த்தி நாயனாருக்கு மதுரையில் காட்சி தந்தருளிய நாளும் இதுவே. அன்னை மீனாட்சியை திருமணம் செய்துகொண்ட இறைவன், ஸ்ரீமீனாட்சி சுந்தரேஸ்வரராகக் காட்சி அருளிய நாள் இதுவென்றும் புராணம் கூறுகிறது.

தெய்வ முகூர்த்த நாளாகக் கருதப்படும் இந்நாளில்தான் ஸ்ரீராமபிரான் சீதாதேவியையும்; லட்சுமணன் ஊர்மிளாவையும்; பரதன் மாண்டவி தேவியையும்; சத்ருக்னன் சுருத கீர்த்தியையும் மணம் புரிந்தனர். மேலும், தேவேந்திரன்- இந்திராணி, அகத்தியர்- லோபமுத்திரை திருமணங்களும் இந்நாளில் நடந்தன.

ஸ்ரீவில்லிப்புத்தூரில் துளசி வனத்தில் அவதரித்த ஆண்டாள், ஸ்ரீரங்கநாதரை கணவனாக அடைந்து அவருடன் ஐக்கியமான நாள் பங்குனி உத்திரம்.

திருமாலைப் பிரிந்து பூலோகம் வந்த திருமகள், வஞ்சுளவல்லி நாச்சியாராய் அவதரித்த திருநாளும் இதுவே என்று நாச்சியார் கோவில் புராணம் கூறுகிறது.

தெய்வத்திருமணங்கள் நடந்தேறிய இந்நாளில்தான் முருகன்- தெய்வானை திருமணம் நடந்தேறியது. இச்சா சக்தி என்று போற்றப்படும் வள்ளிக்குறத்தி அவதரித்த திருநாள்பங்குனி உத்திரம் என்கிறது கந்தபுராணம்.

மகாலட்சுமியானவள் பங்குனி உத்திர விரதத்தை மேற்கொண்டதால் தான் மகாவிஷ்ணுவின் மார்பில் உறையும் பாக்கியம் பெற்றாள் என்று விஷ்ணு புராணம் கூறுகிறது. பிரம்மா- கலைவாணி யின் திருமணமும் இந்நாளில் நடந்தது.

சபரிமலையில் எழுந்தருளியிருக்கும் தர்மசாஸ்தா என்று போற்றப்படும் ஸ்ரீஐயப்பனின் அவதாரத் திருநாள், பங்குனி உத்திரம்.

பாண்டவர்களுள் மிகச்சிறந்த வீரனான அர்ச்சுனன் பிறந்ததும் இந்த நாளில்தான்.

இத்திருநாளில்தான் பூரணா- புஷ்கலா ஆகியோர் ஸ்ரீஐயப்பனையும், ரதிதேவி- மன்மதனையும் மணந்ததாக கந்தபுராணம் கூறுகிறது.

அர்ஜுனன் தவம் மேற்கொண்டு, சிவபெருமானிடம் பாசுபாதாஸ்திரத்தைப் பெற்றதும்; மார்க்கண்டேயன் உயிரைக்கவர வந்த எமனை சிவபெருமான் இடதுகாலால் எட்டி உதைத்து விரட்டியதும்; காரைக்கால் அம்மையார் இறைவனுடன் இரண்டறக் கலந்ததும்; இடும்பனானவன் சிவகிரி, சக்திகிரி மலைகளை காவடியாகத் தூக்கிவந்து காவடித் திருநாளைத் துவக்கியதும் இந்நாளில்தான்.

வைணவ சம்பிரதாயத்தை நிலைநாட்டிய புரட்சித்துறவி ராமானுஜர், ஒருமுறை ஸ்ரீரங்கம் பங்குனி உத்திர மண்டபத்தில் பெரிய பிராட்டியும் பெரிய பெருமாளும் சேர்ந்து காட்சி தரும்போதுதான் "கத்யத்ரயம்' (சரணாகதி கத்யம், வைகுண்ட கத்யம், ஸ்ரீரங்க கத்யம்) என்னும் மூன்று வடமொழி வசன கவிதைகளைப் பாடி சமர்ப்பித்தார். சரணாகதி கத்யத்தை சமர்ப்பித்தபோது, அரங்கன் அவருடைய சரணாகதியை ஏற்றுக்கொண்டு திருவாய் மலர்ந்தருளினார் என்றும், தாயார் அவரை உபய விபூதிகளுக்கும் (கீழுலகம், மேலுலகம்) உடையவராய் நியமித்தார் என்பதும் ஐதீகம். அன்றிலிருந்து ராமானுஜர், உடையவர் என்கிற நாமத்திலும் அழைக்கப்படுகிறார்.

கோதை பிறந்த ஊரான ஸ்ரீவில்லிப்புத்தூரில் பங்குனிப் பெருவிழாவின் உச்சகட்டமாக அமைவது, பங்குனி உத்திரத் திருநாளில் சுவாமி ரங்கமன்னார்- ஆண்டாள் திருக்கரங்களைப் பற்றும் கல்யாண மகோற்சவமே. கன்னிப்பெண்கள் இந்த வைபவத்தை தரிசித்தால் அவர்கள் விரும்பிய நல்ல இடத்தில் திருமணம் நடைபெறும் என்பது ஐதீகம்.

கயிலாயத்தில் தவத்தில் ஆழ்ந்திருந்த சிவபெருமானின் தவத்தினைக் கலைக்க மன்மதன் மலர் அம்பினை எய்தான். அவனை இறைவன் கோபத்துடன் நோக்கியபொழுது அவரது நெற்றிக்கண்ணிலிருந்து வெளிப்பட்ட தீப்பொறியால் சாம்பலானான் மன்மதன். இதனையறிந்த மன்மதனின் மனைவி ரதிதேவி, இறைவனை நோக்கித் தவமிருந்தாள். அவள் கண்களுக்கு மட்டும் மன்மதன் காட்சி தருவான் என்ற நிபந்தனையுடன் மீண்டும் மன்மதனை உயிர்ப்பித்தார் சிவபெருமான். அந்த நாள் பங்குனி உத்திரம். இந்த நிகழ்வு நடந்த இடம் அட்டவீரட்டானங்களுள் ஒன்றான திருக்குறுக்கை ஆகும்.

மாயூரத்திற்கு அருகி லுள்ள திருக்குறுக்கைத் தலத்தில் உள்ள காமன் கோவிலில் நடைபெறும் விழாவில் மன்மதன் உயிர்பெற்று ரதியுடன் இணைந்திருக்கும் காட்சி தரிசிக்க வேண்டிய ஒன்றாகும்.

பொதுவாக தியாகராஜர் அருள்புரியும் திருத்தலங்களில் ஸ்ரீதியாகராஜருக்கும்அம்பிகைக்கும் திருக்கல்யாண வைபவம் நடத்தப்படுவதில்லை. ஆனால், சென்னை திருவான்மியூர் ஸ்ரீமருந்தீஸ்வரர்- திரிபுரசுந்தரி கோவிலில் பங்குனி உத்திரத்தன்று, அங்கு எழுந்தருளியுள்ள ஸ்ரீதியாகராஜ சுவாமிக்கும் அம்பிகைக்கும் திருக்கல்யாண வைபவம் நடைபெறுகிறது. இந்நிகழ்ச்சியில் தம்பதிகள் கலந்துகொண்டு தரிசனம் கண்டால் என்றும் சுகமுடன் வாழலாம் என்பது ஐதீகம்.


இதேபோல் சற்று வித்தியாசமான விழா மதுரை திருமோகூர் காளமேகப் பெருமாள் கோவிலில் நடைபெறுகிறது. இங்கு பெருமாள் பெண் வடிவம் எடுத்த தலம் என்பதால், அவருக்கு மரியாதை தரும் விதமாக தாயார் மோகனவல்லி படிதாண்டா பத்தினியாக சந்நிதியைவிட்டு வெளிவருவதில்லை. இவருக்கென்று விழாவும் நடைபெறுவதில்லை. இவரது சந்நிதியில் சடாரி சேவையும், பிரசாதமும் கிடையாது. ஆனால், பங்குனி உத்திரத்தன்று பெருமாள், தாயார் சந்நிதிக்கு எழுந்தருளி காட்சி தருவார். இந்த வைபவம் மூன்று மணி நேரம் மட்டுமே நடைபெறும். இங்கு விழாக் காலங்களில் பெருமாளுடன் ஸ்ரீஆண்டாள் மட்டும் பிரதானமாகப் புறப்பாடாகிறாள். இதனை "சேர்த்தித் திருவிழா' என்பர். இந்த "சேர்த்தித் திருவிழா'வில் மிகவும் புகழ்பெற்றுத் திகழ்வது, ஸ்ரீரங்கம் ஸ்ரீரங்கநாதர் கோவிலில் நடைபெறும் பங்குனி உத்திரத் திருவிழா ஆகும். இந்த விழாவில் தம்பதிகள் கலந்துகொண்டு தரிசிக்க, வாழ்வில் என்றும் வசந்தம் வீசும் என்பர்.

 print this in PDF Print Friendly and PDF

Tuesday, April 4, 2017

ஸ்ரீ ராமநவமி

ஸ்ரீ ராமநவமி
மகாவிஷ்ணு பல அவதாரங்கள் எடுத்திருந்தாலும், அவற்றில் பெரிதும் போற்றப்படும் அவதாரமாக இருப்பது ஏழாவது அவதாரமான ராம அவதாரம் என்றால் அது மிகையாகாது.


தெய்வமாக இருந்தாலும், பூமியில் பிறப்பெடுத்து இறுதி வரை நீதி நெறி வழுவாமல், ஒழுக்கம் மிகுந்த மனிதனாக வாழ்ந்தவர் என்ற வகையில் ராமர் பெரும் சிறப்பை எய்துகிறார்.
சிவபெருமானிடம் பல வரங்களை பெற்ற ராவணன், தேவர்களையும், முனிவர்களையும், மனிதர்களையும் கொடுமைப்படுத்தி வந்தான். அவனை அழிப்பதற்காக, அயோத்தியை ஆண்டு வந்த தசரத மன்னனுக்கு மகனாகப் பிறந்தார் மகாவிஷ்ணு. உரிய நேரம் வந்தபோது ராவணனையும், அவனது அசுர கூட்டத்தையும் அழித்தார்.
அதர்மம் அழித்து, தருமத்தை நிலை நாட்டினார். ராமாவதாரம் என்ற ஒரு அவதாரத்திலேயே ராமபிரான், குருவிற்கு நல்ல மாணவராக, தாய்தந்தையருக்கு நல்ல மகனாக, உடன் பிறந்தவர்களுக்கு நல்ல சகோதரனாக, மனைவிக்கு நல்ல கணவனாக, மக்களுக்கு நல்ல மன்னனாக, நண்பர்களுக்கு உற்ற தோழனாக, பகைவர்களுக்கு சிம்ம சொப்பனமாக என்று பல அவதாரங்களை எடுத்து அதில் தன்னை நிலைநிறுத்தியவர். எனவே ராமரின் வாழ்க்கை முறையே தனிமனித ஒழுக்க வாழ்க்கை முறை ஆகும். எப்படி வாழ வேண்டும் என்பதை  ஸ்ரீராமரின் வாழ்க்கை முறை நமக்கு கற்று தரும் பாடமாகும்.
ராவணனை அழிக்கும் பொருட்டு மண்ணில் தோன்றி, மனித குலத்திற்கு ஒழுக்கம் மற்றும் தர்மத்தை கற்றுக் கொடுத்த ராமபிரான் அவதரித்த தினம் ராம நவமி என்று அழைக்கப்படுகிறது. சித்திரை மாதம் சுக்ல பட்ச (வளர்பிறை) நவமி திதியில் பிறந்தவர் ராமர். அந்த நாளையே நாம் ராம நவமியாக கொண்டாடுகிறோம்.
ராம நவமி விரதம் இரண்டு விதமாக கடைப்பிடிக்கப்படுகிறது. அதாவது சித்திரை மாதம் சுக்ல பட்சம் வரும் பிரதமைத் திதியில் இருந்து நவமி திதி வரை உள்ள ஒன்பது நாட்கள் முதல் வகை கொண்டாட்டமாகும். இதற்கு கர்ப்போஸ்தவம்என்று பெயர். நவமி திதியில் தொடங்கி அடுத்து வரும் ஒன்பது நாட்கள் அனுஷ்டிப்பது ஜன்மோதீஸவம்எனப்படும்.
இது இரண்டாவது வகையாகும். எந்த காரியத்தையும் அஷ்டமி, நவமி திதிகளில் செய்வதை மக்கள் தவிர்த்து விடுவார்கள். இதனால் வேதனையுற்ற அஷ்டமி, நவமி திதிகள், மகாவிஷ்ணுவிடம் சென்று முறையிட்டன. நாங்கள் மட்டும் என்ன பாவம் செய்தோம்?. எங்களை ஏன் அனைவரும் கெட்ட திதிகளாக நினைத்து ஒதுக்குகின்றனர்?’ என்று கேட்டனர்.
அதற்கு மகாவிஷ்ணு, ‘நீங்கள் கவலை கொள்ள வேண்டாம். மக்கள் உங்களையும் போற்றி துதிக்கும் நாள் வரும்என்று உறுதி அளித்தார். அதன் படியே ராமர், நவமி திதியில் தசரதர்கோசலை தம்பதியருக்கு மகனாகவும், அஷ்டமி திதியில் கிருஷ்ணர், வாசு தேவர்தேவகி தம்பதியருக்கு மகனாகவும் பிறந்து சிறப்பு செய்தனர்.
ராமநவமி விரதத்துக்கு முதல் நாள், வீட்டை சுத்தம் செய்ய வேண்டும். தொடக்க நாளில் ஒரு வேளை மட்டும் உணவருந்தி, ராம நாமத்தை ஜெபித்துக் கொண்டே இருக்க வேண்டும். ஒன்பது நாளும் சர்க்கரைப் பொங்கல், பாயசம் போன்றவற்றை நைவேத்தியமாக படைப்பதோடு, ராமருக்குத் துளசி மாலையும், அனுமனுக்கு வடை மாலையும் சாத்தி வழிபடலாம்.
அது முடியாதவர்கள், ராமநவமி தினத்திலாவது இதனைச் செய்வது நல்லது. நவமி திதிக்கு மறுநாள் ராம பாராயணம் செய்ய வேண்டும். இந்த விரத நாட்களில் மட்டுமல்லாது, எப்பொழுதும் ராம ஜாதகத்தை படமாக காகிதத்தில் வரைந்து வைத்தோ, அல்லது செப்புத் தகட்டில் செய்து வைத்தோ வழிபடுவது சிறந்த பலனைத் தரும்.
காரணம், ராமருடைய ஜாதகத்தின்படி சூரியன்மேஷத்திலும், செவ்வாய்மகரத்திலும், குருகடகத்திலும், சுக்ரன்மீனத்திலும், சனிதுலாமிலும் ஆக ஐந்து முக்கிய கிரகங்களும் உச்ச ஸ்தானத்தில் இருக்கின்ற ராமபிரானுடைய ஜாதகத்தைப் பூஜை அறையில் வைத்து வழிபடுவது எத்தகைய சிறப்பைத் தரும் என்பதை சொல்லித்தான் தெரியவேண்டுமா என்ன!.
ஸ்ரீராமபிரான். காலடி தடங்கள் பதிந்த சில இடங்களைப் பார்ப்போம்.

அயோத்தி: இது ராமர் பிறந்த புண்ணிய பூமி. துளசிதாஸர், கம்பர், தியாகராஜர் போன்றவர்களுக்கு உத்வேகம் அளித்த ராம நாம ஊற்றின் முக்கிய தலம். வாரணாசி - லக்னோ மார்க்கத்தில் அயோத்தியா ரெயில் நிலையம் உள்ளது.
பக்ஸர்: சித்தாசிரமம், வேத சிரா, வேத கர்ப்பா, க்ருஷ் என்று பல பெயர்கள் கொண்ட பக்ஸர்என்ற இடமும் பிரசித்தி பெற்றது. விசுவாமித்திரர் ராமருக்கு பலை, அதிபலை ஆகிய முக்கிய மந்திரங்களை உபதேசித்த இடம். பாட்னா - மொகல்சராய் ரெயில் மார்க்கத்தில் முக்கிய நிலையம் இது.
அகல்யாசிரமம்: கல்லாக இருந்த அகல்யா சாப விமோசனம் பெற்ற இடம் இது. சீதாமடி - தர்பங்கா ரெயில் மார்க்கத்தில் கம்தவுல் என்ற ரெயில் நிலையத்தில் இறங்க வேண்டும். அங்கிருந்து மேற்கே 15 மைல் தொலைவில் அஹியாரி என்ற ஊர் உள்ளது. அங்கு கவுதம குண்ட் என்ற இடம் இருக்கிறது. இங்கிருந்து ஐந்து கிலோமீட்டர் தூரம் சென்றால், அஹல்யா குண்ட் எனப்படும் அகல்யாசிரமத்தை அடையலாம்.
ஜனக்பூர்: மிதிலை அரசர் ஜனகர் அரசாட்சி புரிந்த இடம் ஜனக்பூர். இது சீதாமடியில் இருந்து ஜனக்பூர் சாலையை அடைந்து, அங்கிருந்து 36 கிலோமீட்டர் தூரம் சென்றால் ஜனக்பூரை அடையலாம். இங்குள்ள பெரிய மைதானத்திலேயே ராமர் வில்லை முறித்த சம்பவம் நிகழ்ந்ததாக கூறப்படுகிறது.
ராம்டேக்: இது ராமகிரி என்றும் அழைக்கப்படுகிறது. ராமர், லட்சுமணன், சீதை ஆகிய மூவரும் வனவாசத்தின் போது இங்கு சிறிது காலம் தங்கி இருந்தனராம். ஆதலால் இது புண்ணிய தலமாகக் கருதப்படுகிறது. மகாராஷ்டிர மாநிலத்தில் நாக்பூர் - சிவனிஜபல்பூர் மார்க்கத்தில் தும்சர் என்ற ஒரு சிறிய நகரம் உள்ளது. இதன் அருகில் உள்ள இடமே ராம்டேக்.

சபரி ஆசிரமம்: சபரி பக்தியுடன் எச்சில் படுத்தித் தந்த கனியை ராமர் மனமுவந்து ஏற்ற சம்பவம் நடந்த இடம் இது. விஜயநகர சாம்ராஜ்யத்தில் உள்ள பிரசித்தி பெற்ற புராதன நகரம் ஹம்பி’. இங்கே துங்கபத்ரா நதி ஓடுகிறது. இதன் அருகே உள்ள மலை மதங்க பர்வதம்என்று அழைக்கப்படுகிறது. இங்கேதான் சபரி வசித்து வந்ததாக வரலாறு தெரிவிக்கிறது.

ராமேஸ்வரம்: ராமேஸ்வரத்திற்கு மதுரையிலிருந்தும், சென்னையி லிருந்தும் செல்லலாம். ராமேஸ்வரத்தில் இருந்து தனுஷ்கோடி 18 கிலோமீட்டர் தூரத்தில் உள்ளது. ராவணனை வதம் செய்த பாவம் நீங்க, ராமன் சிவலிங்க பூஜை செய்த இடம் இது. 

நன்மையும் செல்வமும் நாளும் நல்குமே
தின்மையும் பாவமும் சிதைந்து தேயுமே
சென்மமும் மரணமும் இன்றித் தீருமே
இம்மையே ராம வென்றிண்டெழுத்தினால்

ஸ்ரீ ராமநவமி வாழ்த்துக்கள்

 print this in PDF Print Friendly and PDF

Twitter Delicious Facebook Digg Stumbleupon Favorites More

 
Design by Free WordPress Themes | Bloggerized by Lasantha - Premium Blogger Themes | Grants For Single Moms